Орусиялык аскерлердин Украинанын Донецк облусундагы чабуулунда дагы эки жай тургун курман болуп, үчөө жараат алды. Бул тууралуу облустук аскердик администрациясынын башчысы Павел Кириленко 3-июлда билдирди.
Ал Покровск жана Северск калааларына ракеталык чабуул болгонун, өндүрүш ишканасы, турак жайлар зыян тартканын кошумчалады.
Ал эми Херсон облусунун башчысы Александр Прокудин өткөн суткада аймак 85 жолу аткыланганын, анын 35и Херсон шаарын бутага алганын маалымдады. Бул калаада алты киши жараат алганын, арасында бир бала экенин белгиледи.
Харьков облустук аскер администрациясынын башчысы Олег Синегубов да аймак аткылоого кабылганын, билдирди. Тактап айтканда, орус аскерлери Купянск районунун Курыливка айылындагы турак жайлар талкаланганын кабарлады. Адам өмүрү кыйылган эмес.
Орус армиясы калктуу конуштар бутага алынганын четке кагууда.
Дагы караңыз
Буча шаарында курман болгондордун элесине арналган эстелик орнотулдуНарын дарыясына экскаватор менен түшүп кеткен жаран табыла элек Тажикстанда банкирди уурдоого шектелген бир нече киши кармалдыФранцияда өлтүрүлгөн өспүрүмдүн чоң энеси нааразылыкты токтотууга чакырды