Кадамжай районундагы Айрыбаз айыл аймагында 95 гектар айыл чарба жери мыйзамсыз трансформация болуп, 581 үй-бүлөгө жер тилкеси катары бөлүнүп берилген.
Улуттук коопсуздук боюнча мамлекеттик комитетинин (УКМК) маалыматына караганда, жер тилкесин алгандар ичинде айыл аймагында жашабаган адамдар, райондук жетекчилердин алыскы туугандары да болгону аныкталган.
Мекеменин басма сөз кызматы кабарлагандай, бул иш боюнча Айрыбаз айыл аймагынын башчысы, орун басары жана жер маселелери адисине күнөө тагылып, ээлеген ордунан четтетилишти.
95 гектар жердин мыйзамсыз берилгенине байланыштуу кылмыш ишин азыр Кадамжай райондук соту карап жатат.
Кыргызстанда айыл чарба багытындагы жерлерге турак жай куруп алган адамдардан жер мунапысын алуу үчүн 93 миң 663 адам арыз менен кайрылган. Анын ичинде 12 миң 795 үйгө техникалык паспорт берилген.
Бул тууралуу айыл чарба министринин орун басары Мурат Раматов 4-апрелде парламенттин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында билдирген. Анын сөзүнө караганда, трансформация болгон жерлердин так аянты арыздар каралып, чечим кабыл алынгандан кийин гана белгилүү болот.
286 мыйзамсыз курулуштар аныкталып, документтер Башкы прокуратура менен Ички иштер министрлигине (ИИМ) өткөрүп берилген.(ZKo)
Дагы караңыз
Самарада автокырсыкта кыргызстандык жарандар набыт болгону кабарланды"Коммерциялык эмес жана бейөкмөт уюмдар тууралуу" мыйзам долбоорун карап жаткан жумушчу топтун иш мөөнөтү узардыАмстердамдагы Эрмитаж музейи аталышын өзгөртөтПутин Пригожиндин козголоңунда учкучтар өлгөнүн моюнга алды