Чүй облусунун Сокулук районуна караштуу Шопоков шаарындагы темир жол бекетинин аймагында 20-июнда мунай сакталуучу жайдан өрт чыкты.
Өзгөчө кырдаалдар министрлиги билдиргендей, өрт тууралуу алгачкы маалымат саат 16:11де түшкөн. Аны өчүрүү иштерине Сокулук жана Москва райондорунун өрт өчүрүүчү техникасы кызматкерлери менен жалпы үч экипаж, Чүй облусунун башчысы жетектеген топ жана Жол кыймылынын коопсуздугун камсыздоо кызматынын ыкчам топтору тартылган.
Саат 17:00дө Бишкектин Ленин районунун өрт өчүрүүчүлөрү тартылып, аны өчүрүү аракеттери уланууда. Азырынча жабыркагандар жана чыгымдар тууралуу маалымат жок.
ӨКМдин басма сөз кызматы өрттүн себеби жана кесепети тууралуу кошумча маалымат берилерин билдирди.
Интернетте тараган тасмалардан темир жол бекетинин аймагындагы мунай сакталган цистерналар, аларга жакын жайгашкан имараттар жана автоунаалар күйүп жатканын көрүүгө болот.
Соцтармактардын колдонуучулары өрт чыккан жерге жакын жашаган элди эвакуациялоо башталганын жазып жатышат. Маалыматтарды расмий тактоого азырынча мүмкүн боло элек. (ZKo)
Дагы караңыз
Жалпы республикалык тестирлөө: Эң жогорку упайды эки бүтүрүүчү алды "Титаниктин" калдыктарына туристтерди алып барган кеме дайынсыз болуудаCAFA Nations Cup: Кыргызстан коло байге үчүн Оман менен беттешетЖашырылган мүлктү легалдаштыруу жана мунапыс берүү боюнча мыйзам күчүнө кирди