Грузияда казак журналисти Жанбота Төлөгөн киши колдуу болгону аныкталды. Маалыматты Казакстан менен Грузиянын Ички иштер министрликтери да тастыктады. Окуя тууралуу кесиптеши Назира Даримбет Фейсбукка жазып, Жанбота 21-майда Телави шаарында өлтүрүлгөнүн кабарлады.
Даримбет буга чейин Жанбота Төлөгөн менен бир долбоордо кызматташып, 19-майда акыркы жолу байланышка чыкканын айтты.
24-майда Грузиянын Ички иштер министрлиги полиция Г.Х. аттуу жаранды кармаганын, ал атайылап киши өлтүргөн деп шек саналып жатканын маалымдаган. Шектүү Ж.Т. аттуу адамдын көзүн тазалаганы айтылган. Полиция берген маалыматтагы инициал жана маркумдун туулган жылы Жанбота Төлөгөндүкүнө окшош.
Казакстандын Тышкы иштер министрлиги 19-июнда журналисттин өлүмүн ырастап, ал Грузияга жеке иш сапары менен барганын, окуя анын кесиптик ишмердүүлүгүнө тиешеси жоктугун белгиледи.
Дагы караңыз
Тарыхка жасалган эки жүздүү саясат: Кулчулук мүнөздөн кантип арылабыз? Өзбекстан менен Иран өз ара кызматташтык тууралуу 15 келишимге кол коюшту"Азыр чара көрбөсө кышында оор болот". Токтогулда жылдагыдан суу аз