Санкт-Петербург шаарында экономика жана коммерция министри Данияр Амангелдиев Орусиянын экономикалык өнүктүрүү министри Максим Решетников менен сүйлөшүү өткөрдү.
Министрликтин маалыматы боюнча тараптар соода-экономикалык кызматташтыкты мындан ары өнүктүрүүнү талкуулашты.
Жолугушууда бир катар конкреттүү долбоорлор мерчемделди. Алардын катарында Төө–Ашууда альтернативдик туннел куруу, Ысык-Көл облусунда кубаттуулугу 300 МВт болгон Күндөн кубат алуучу станция салуу долбоорлору бар.
Мындан тышкары Орусия менен биргеликте өлкөнүн электр тармактарын модернизациялоо, биргелешкен үрөн-селекция чарбасын түзүү, Тосор айылында спорт борборун салуу максат кылынып жатат.
Жолугушууга Кыргыз-Орус өнүктүрүү фондунун жетекчиси Артём Новиков да катышты.
Санкт-Петербургда жакында XXVI эл аралык экономикалык форуму өттү жана анын алкагында "Кыргызстан-Орусия" бизнес диалогу болду.
Санкт-Петербургдагы экономикалык форум Орусия Украинага кол салган учурда өтүп, ага дүйнөдөгү алдыңкы экономикасы өнүккөн мамлекеттерден өкүлдөр катышкан жок, коноктор негизинен Африка жана Араб мамлекеттеринен келишти.
Украинадагы согуш башталган 2022-жылдын февралынан кийин Орусия Кыргызстандын соода-сатык багытындагы негизги өнөктөшүнө айланган.
Дагы караңыз
Грузия: Карын эне бизнеси. Чет элдиктерди тейлөөгө тыюу салуу сунушу Борбор Азиядагы суу тартыштыгы. Бишкек, Астанада кырдаалды курчуткан жагдайлар Кербен шаарындагы аэропорт быйыл августта ишке кирет