Кыргызстанда абакта отурган адамдарга ырайым берип, эркиндикке чыгаруу көрсөткүчү жогорулап жатат. Бул тууралуу бүгүн 13-июнда Жогорку Кеңештин Укук тартиби, кылмыштуулукка жана коррупцияга каршы аракеттенүү боюнча комитетинин жыйында Жаза аткаруу кызматынын төрагасынын биринчи орун басары Кемел Садыков билдирди:
“Ырайым берүү саны көбөйүп жатат. Анткени быйыл жарым жылда 218 соттолгонго ырайым берилди, а былтыр бир жыл ичинде 381 болгон”.
Садыковдун айтымында, быйылкы жылдын башынан бери 702 материал каралып, соттолгон 218 адамга ырайым берилди. 2022-жылы жалпысынан бир жылда 805 материал каралып, 381 адамга ырайым берилип, 424 адамдын өтүнүчү четке кагылган.
Кыргызстандын колонияларында 6-7 миңдей адам бар экени, алардын эки жүздөйү аялдар, он чактысы өспүрүмдөр экени буга чейин кабарланган.
Дагы караңыз
Министрлик Төө-Ашуудагы туннелде оңдоо иштери жүрүп жатканын билдирдиБаткендин сел каптаган айылдарында өзгөчө кырдаал жарыяланды "Ит-куш эмес, адамдын ач көздүгү коркунучтуу": казак талаасындагы бөкөндөрКоргонуу тармагына эки жылда 83,4 миллиард сом жумшалды