Колумбияда май айынын башында учак кулагандан кийин дайынсыз жоголгон төрт бала чытырман токойдон аман-эсен табылды.
Бул тууралуу өлкөнүн президенти Густаво Петро журналисттерге билдирди. Ал балдар жалгыз болушканын, аларга медициналык жардам көрсөтүлүп жатканын айтты. Өлкө президенти балдар кантип аман калышканын, окуянын чоо-жайын ачыктаган эмес. Аткаминерлердин билдиришинче, кырсыктан аман калган балдар индеецтердин уитото (же витото) уруусунан экенин, алардын чоңдору тропикалык токойдо жашап кетүүнүн жолдорун биле турганын айтышкан.
Алты жүргүнчүсү бар учак 1-май күнү эртең менен кулаган. Алардын сырткары учакта учкуч болгон. Кырсык болгондон эки аптадан кийин издөө тобу учактын сыныктарын жана үч кишинин сөөгүн табышкан. Куткаруучулар учактагы ага-карындаштардын дайынын тапкан эмес. Алардын улуусу 13, 9, 4 жана күчүүсү бир жашка чыга элек.
Аларды 150 аскер ит менен издешкен. Жергиликтүү уруулардын ыктыярчылары дагы издөө иштерине жардам беришкен. Дайыны табылбаганда токойго кутучалар ыргытылган жана балдардын чоң энесинин балдардын бир жерде калышын өтүнгөн билдирүүсү калтырылган. (КЕ)
Дагы караңыз
Акылбек Жапаров Сочиде Путин менен жолуктуСот Дамира Ниязалиеванын БШКнын чечимине каршы арызын четке кактыУкраина: Орусиянын согуштагы жоготуулары тууралуу иликтөө жарыяланды Президент Жапаров Июнь окуясынын 13 жылдыгына байланыштуу кайрылуу жасады