Иран менен Ооганстандын чек арасындагы кагылышта бери дегенде эки ирандык аскер каза болгонун мамлекеттик IRNA агенттиги кабарлады. Мурдараак бир жоокер каза таап, экөө жараат алганы айтылган.
Окуя 26-майда, Забул чек ара бөлүгүндө болгон. Маалымат каражаттары талибдер менен Ирандын чек арачылары кагылышканын жазышты. Окуянын чоо-жайы так эмес.
Чек ара кызматынын командачылыгы талибдер "олуттуу жоготууга учураганын" билдирди. Ал эми "Талибан" бир кишиси өлгөнүн гана тастыктады.
Mehr басылмасы кагылышууда " артиллериялык куралдар" колдонулганын жазды.
"Талибандын" Ички иштер министрлигинин басма сөз кызматы "Ислам Эмираты коңшулары менен согушту каалабайт" деп билдирүү таратты.
IRNA агенттиги өткөн аптада Сасоли чек ара бекетинин командирин талибдер өлтүргөнүн кабарлаган.
Дагы караңыз
Ленин округу: саат 12ге карата шайлоочулардын 4,31% добуш берди Саясат жана медиа: Журналисттик маектин оош-кыйыш жактарыТүркия: президенттик шайлоодо ким жеңет? Днепр: Орусиянын чабуулунан каза болгондордун саны төрт кишиге жетти