Түркмөнстандын Мары шаарында "түркмөн айымдарына туура келбеген кийим кийди" деген негизде эки аял кармалды.
"Азаттыктын" түркмөн кызматы кабарлагандай, алар 22-майда полиция бөлүмүнө жеткирилип, бир нече саатка созулган сурактан кийин бошотулду.
"Сурак маалында аларды мындан ары жупуну кийинүүгө жана коомдук жайларда өздөрүн "түркмөндөрдүн принциптерине ылайык" алып жүрүүгө чакырышты", – деди радионун аймактык кабарчысы.
Түркмөнстандын мыйзамдарында түркмөн аялдарына "ылайык келген" жана "ылайык келбеген" кийимдердин түрлөрү жөнүндө эч нерсе жазылган эмес. Баш мыйзамда коомдук жайларда аялдардын жүрүм-турумун тескеген эрежер да жок. Буга карабай өлкөнүн укук коргоо органдары "түркмөндөрдүн" негиздерин шылтоолоп, аялдарга ар кандай чектөөлөрдү киргизип келишет.
Сердар Бердымухаммедов бийликке келгени кыз-келиндердин кийинишин, сырткы келбетин чектеген эрежелер күчөп жатат.
Дагы караңыз
Ташиев коррупцияга каршы күрөштүн экинчи этабы "өтө оор" болорун эскертти"Согушка барба". Баласын орус абагынан куткаруунун айласын издеген энелерАбактагы талапкер Жээнбеков үгүт жүргүзүү укугу бузулганын айтып чыкты