Италиянын түндүгүндөгү Эмилия-Романья районунда суу ташкындан каза болгондордун саны 14кө жетти.
Би-Би-Синин жазганына караганда, Равенна шаарынын бийлиги эки чакан шаардын тургундарын тез арада көчүрүүнү чечти.
Коопсуздуктун деңгээли кызыл чекке жетип, жогору бойдон калып жаткандыктан элди жолго чыкпай турууга чакырды.
Эвакуация болгон 15 миңдей кишинин жарымы мейманканаларда же атайын даярдалган спорт залдарда түнөдү.
Жабыр тарткан аймактагы бир катар шаарларда элге ысык тамак берүү үчүн мобилдик ашканалар иштеп жатат. Суу тартылган жерлерде тургундар үйүн тазалай башташты. Бирок көпчүлүгү суунун деңгээли жогору болгондуктан көчөгө чыга албай жатат.
Равеннанын өзүндө нөшөрлөгөн жаан токтой элек. Мэр Массимо Изола шаар четиндеги айылдарда абал курч экенин билдирди. Ал жакта жер көчкү коркунучу жогору экени жана ал жактарга куткаруучулардын жетиши кыйынга турары айтылды.
Италиянын түндүгүндө соңку үч суткада жарым жылдык жаан жааган. Келтирилген зыян миллиарддаган еврого бааланды.
Суу ташкынынан улам Имоладагы "Формула-1" жарышы токтотулду.
Дагы караңыз
Орусия 1-майдан бери Киевге 11-жолу чабуул жасадыБыйыл Кыргызстан Кытайдан газ менен жүрүүчү 500 автобус сатып алатБатыш тогуз товарды Кыргызстан аркылуу Орусияга өткөрбөөгө чакырдыАКШ президенти Байден украиналык учкучтарды окутууну колдоду