Кыргызстандын футбол боюнча улуттук курама командасы Бишкекте 1-9-июнь күндөрү машыгууларды өткөрөт. Кыргыз футболдук союзунун басма сөз кызматы бул CAFA NATIONS CUP-2023 эл аралык мелдешине даярдык экенин билдирди.
Улуттук курама команданын жаңы башкы машыктыруучусу Штефан Тарковичтин штабы 33 оюнчудан турган футболчулардын кеңейтилген тизмесин жарыялады. Тизмеге Кыргызстандын курамасына төрт жылдан бери чакырылбай калган коргоочу Азамат Байматов, чабуулчу Антон Землянухин да кошулду.
Борбор Азиядагы өлкөлөрдүн курама командалары үчүн өткөрүлө турган CAFA NATIONS CUP-2023 турниринде Кыргызстан “В” тайпасында Иран жана Ооганстан менен ойнойт. Оюндар июнь айында Бишкекте өтөт. “А” тайпасында Түркмөнстан, Тажикстан, Оман жана Өзбекстандын курама командалары бар. Бул тайпадагы оюндар Ташкентте болот.
CAFA NATIONS CUP-2023 быйыл биринчи жолу өткөрүлгөнү жатат.
Кыргыз футбол бирлиги Штефан Таркович менен май айынын башында 2024-жылдын 30-июнуна чейин келишим түзгөн. 50 жаштагы Таркович 2020-жылдан 2022-жылга чейин Словакиянын улуттук курама командасын машыктырган. CAFA турнири анын Кыргызстандын курамасы менен биринчи мелдеши болот. (BTo)
Дагы караңыз
УКМК Ошто үч бажы кызматкери коррупцияга шек саналып кармалганын билдирдиУкраин бийлиги Киев кайрадан ракета чабуулуна туш болгонун билдирдиУКМК: “Каракол” аэропортунун жетекчилигине кылмыш иши козголдуДепутат Кожокулова Орусияда кыргыз паспорту сатылып жатканын айттыКытайдын төрагасы тажик президенти менен сүйлөшүүлөрдү жүргүздүАннексияланган Крымда жарылуудан кийин буудай ташыган поезд рельстен чыгып кеттиТөө-Ашуудагы тоннелден өтүүгө чектөө киргизилдиСурабалдиева Кошалиевдин Курултайдын төрагасы болгонго укугу жок экенин айтты