Украинадан Кара деңиз аркылуу дан экспорттоо тууралуу келишим эки айга узартылды. Бул тууралуу 17-майда Түркиянын президенти Режеп Тайып Эрдоган билдирди.
"Биздин мамлекеттин аракети, орусиялык достордун колдоосу, украиналык достордун салымы менен дан экспорттоо боюнча Кара деңиз келишимин эки айга узартуу чечими кабыл алынды",- деди Эрдоган.
Мурунку келишимдин мөөнөтү 18-майда аяктамак.
Буга чейин Орусия келишимден чыгарын айткан. Өткөн аптада Украина, Орусия, Түркия жана БУУнун өкүлдөрү Стамбулда жолугуп, сүйлөшкөн.
Орусия Украинага согуш ачкандан бир нече ай өткөндөн кийин Кара деңиз аркылуу дан экспорттоо токтоп калган. Бул жагдай дүйнөдө азык-түлүктүн кымбатташына алып келген.
Киев менен Москва Түркия жана БУУнун ортомчулугу алдында дан экспортун кайра жандантуу келишимине былтыр 22-июлда Стамбулда кол коюшкан. Келишимдин мөөнөтү эки жолу узартылды. Андан бери Украинадан 30 миллион тонна буудай жана башка айыл чарба азыктары экспорттолду.
Дагы караңыз
Украинадагы согушка катышкан кыргыз жараны 10 жылга кесилди Атлантика кеңеши: АКШнын мурдагы элчисин ууландырууга Орусиянын катышы болушу мүмкүн Акыйкатчынын милдетин экс-прокурор аркалайт