Түркияда президенттик шайлоонун экинчи айлампасы 28-майда өтө турганы расмий жарыяланды. Бул тууралуу Борбордук шайлоо комиссиясынын төрагасы Ахмет Йенер билдирди.
14-майдагы шайлоонун жыйынтыгында азыркы президент Режеп Тайып Эрдоган 49% көбүрөөк добуш алды. Анын негизги атаандашы, оппозициялык блоктон ат салышкан Кемал Кылычдароглуну шайлоочулардын 45% жакыны колдоду. АТА альянсынан чыккан Синан Оганды колдогондор 5% көбүрөөк болду. Ал эми шайлоонун алдында жарыштан чыгарын жарыялаган Мухаррем Инже 1% жетпеген добуш топтоду.
Буга чейин талапкерлер шайлоочуларга кайрылып, шайлоо экинчи айлампага калганын билдиришкен.
Түркиянын шайлоо мыйзамдарына ылайык, талапкер шайлоочулардын 50% көбүнүн добушун алганда гана жеңишке жетти деп эсептелет.
Дагы караңыз
Орусиянын "Победа" авиакомпаниясы согушту айыптаган учкучту иштен алдыСот Жекшеналиевдин ишин кароонун мөөнөтүн узарттыАкыйкатчы кызматына "Ата Журттун" талапкери өттү