Еврокомиссиянын төрайымы Урсула фон дер Ляйен 9-майда Киевге барды.
"Биз аздектеген баалуулуктарды күндө коргоп жаткан Киевге кайра келгениме кубанычтамын", -деп жазды фон дер Ляйен Твиттерге.
Good to be back in Kyiv.Where the values we hold dear are defended everyday.So it is such a fitting place to celebrate the day of Europe.I welcome President @ZelenskyyUa%27s decision to make 9 May Europe Day also here in Ukraine. pic.twitter.com/MEGOEfgyIq
— Ursula von der Leyen (@vonderleyen) May 9, 2023
Ал ошондой эле украин президенти Владимир Зеленскийдин 9-майды өз өлкөсүндө Европа күнү деп жарыялоо чечимин кубаттады. Бул күнү Евробиримдикте Европа күнү белгиленет. 1950-жылы Франциянын тышкы иштер министри Робер Шуман шаркеттин түптөлүшүнө негиз болгон декларацияны сунуштаган.
Урсула фон дер Ляйен Киевге келерден бир нече саат мурда Орусия украин баш калаасына жана башка аймактарга ракетадан сокку урган. Ушуну менен Москва ай башынан бери Киевди бешинчи жолу ракета менен аткылады. Жалпы урулган 25 ракетанын 15и украин борбор калаасына багытталган.