4-майга караган түнү Орусиянын эки аймагында мунай заводдо өрт чыкты.
Краснодар крайындагы мунайды кайра иштетүүчү ишканалардын бириндеги өрткө эмне себеп болгону расмий айтылган жок, аны өчүрүүгө узак убакыт кеткени кабарланды.
Ал эми Ростовдогу заводго учкучсуз учуучу аппарат чабуул жасаганын, жарылуудан кийинки өрт тез эле өчүрүлгөнүн облус жетекчилиги билдирди.
Соңку күндөрү Орусиянын өзүндө жана ал аннексиялап алган Крымда мунай кайра иштетилүүчү, сакталуучу ишканаларга дрон менен чабуул жасалган окуялар көп каттала баштады.
3-майда дрондун чабуулуна Кремль да кабылганы маалымдалды. Орусия бул үчүн Украинаны айыптоодо. Ал эми украин бийлиги андай максаты да, мүмкүнчүлүгү да жок экенин билдирүүдө.
Орусия Украинага 2022-жылдын февралында кол салгандан бери согуш токтой элек. (RK)
Дагы караңыз
Бишкекте Конституцияга арналган жыйын өтүп жатат ӨКМ: Ат-Башыда "өзгөчө кырдаал" жарыяланды"Кемпир-Абад" иши: Абактагылар президентке ишеним көрсөтпөөнү сунушташтыАкыйкатчы бийликке эмнеге жакпай калды?