Орусиянын ракеталык чабуулунан Украинанын Черкас облусундагы Умань шаарында үч адам мерт болуп, дагы сегизи жараат алды. Аталган облустун аскердик администрациясынын башчысы Игорь Табурец канаттуу ракеталар үйгө жана кампага тийгенин билдирди. Улуттук полициянын өкүлү Зоя Вовк дагы бир ракета тогуз кабаттуу үйгө урулганын кабарлады.
Маалыматтарга караганда, Кременчуг, Полтава жана Николаевде дагы жарылуулар болду. Украинанын Куралдуу күчтөрүнүн кол башчысы Валерий Залужныйдын билдиришинче, жалпысынан Орусиянын 23 канаттуу ракетасынын 21и атып түшүрүлдү. Эки дрон жок кылынды.
Днепрде түнкү аткылоодон бир аял жана бир бала набыт болду.
Москва соңку чабуулдар тууралуу азырынча комментарий бере элек.
Согуштун шартында "Азаттык" радиосу салгылаш жүрүп жаткан аймактардагы маалыматтарды өз алдынча текшере албайт.
Дагы караңыз
ЖК: президенттин Оштогу өкүлү кандай жагдайда иштен кеткени айтылдыСадыр Жапаров чек ара кагыштарында мерт болгондорду эскерип кайрылуу жолдоду АКШнын санкцияга байланыштуу өкүлдөрү Кыргызстанга келди Amnesty International: “Азаттыкты” жабуу чечими сөз эркиндигине олуттуу соккуПАСЕ Орусиянын украин балдарды чыгарып кетишин геноцид деп тааныды