Өзбекстандын Энергетика министрлиги Орусиянын "Газпромнефть" ишканасы менен 2023-жылы 300 миң тонна мунай импорттоо боюнча макулдашты.
Бул тууралуу министрликтин өкүлү Адхамжон Убайдуллаев "Иннопром. Борбор Азия" көргөзмөсүндө билдиргенин "Газета.уз" басылмасы жазды.
Аталган үч күндүк көргөзмөгө Орусиянын, Өзбекстандын жана башка КМШ өлкөлөрүнүн 300дөн ашык компаниясы катышууда.
Өткөн жылы декабрда Өзбекстан менен Казакстан 2023-жылы 300 миң тонна казак мунайын, Казакстан аркылуу дагы ушунча көлөмдө орус мунайын жеткирүү боюнча макулдашууга кол койгон. Мындан тышкары тараптар газ сактоо жайларын куруу жана модернизациялоо боюнча да макулдашкан.
Дагы караңыз
Июнь окуясы: Абдуллаева Жалал-Абаддагы изоляторго камалдыЭлеттик кыздарга өнөр үйрөткөн АйтурганЖазуучу Бейшенбай Усубалиевдин чыгармалар жыйнагы жарык көрдү