26-апрелде Жалал-Абад шаарында Чернобыл апаатынын 37 жылдыгы эскерилди. Эскерүүгө мэриянын өкүлдөрү жана апааттын катышуучулары келди.
“Жеңиш” эс алуу багындагы эстеликке гүл коюлуп, куран окулду. Чернобыл апаатына Жалал-Абад шаарынан 120дай адам катышса, азыр алардын 16нын гана көзү тирүү.
СССР маалында - 1986-жылдын 26-апрелинде Украинадагы Чернобыл өзөктүк кубат ишканасында болгон жарылуу айлана-чөйрөгө оор зыян келтирип, жүз миңдеген адамдарды там-жайын таштап кеткенге аргасыз кылган. Бул ишкана 2000-жылдын 15-декабрында жабылган.
Станциядагы кырсыктын кесепетин жоюуга Кыргызстандан үч миңден ашуун адам катышкан. Алардын жарымы дүйнөдөн өттү. Калгандары айына 7000 сомдон жөлөк пул алышат. (TB)
Дагы караңыз
Жогорку Кеңештин 26-апрелдеги жыйыны болбой калдыЖазуучу Бейшенбай Усубалиевдин чыгармалар жыйнагы жарык көрдүБишкекте бомба тууралуу кабардан улам окуучулар кайра эвакуацияланды“Кумтөр Оперейтинг” компаниясынын 100% акциясы мамлекетке өтөтМанасбек Самидинов кайрадан “Манас” аэропортунун жетекчиси болду