АКШнын президенти Жо Байден экинчи мөөнөткө ат салышарын расмий билдирди. Анын үч мүнөттүк видеокайрылуусу 25-апрелде жарыяланды.
Демократ Байден 2024-жылы кайра шайлоого катышып жатканын жарыялап, шайлоочулардан ага “жумушту бүтүрүү” үчүн көбүрөөк убакыт берүүнү сурады.
АКШда президенттик шайлоо 2024-жылдын ноябрында өтөт.
Every generation has a moment where they have had to stand up for democracy. To stand up for their fundamental freedoms. I believe this is ours.That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly
— Joe Biden (@JoeBiden) April 25, 2023
Демократтар партиясы келерки президенттик шайлоого башка талапкер көрсөтө элек. Демократтардын атаандашы - Республикачылар партиясынан мурдагы президент Дональд Трамп талапкерлигин коюшу ыктымал. Бирок ага мурдагы шайлоодо "каражатты максатсыз пайдаланган жана көчөдөгү каршылык митингдерин колдогон" деген айып тагылышы репутациясына көлөкө түшүрүшү мүмкүн экени айтылууда.
Республикачылардан дагы бир талапкер - учурда Флорида штатын жетектеп турган Рон Десантис болушу ыктымалдыгы кабарланган.
Февралда түштүк Каролина штатынын экс-губернатору жана АКШнын БУУдагы мурдагы элчиси Никки Хейли Республикачылардын партиясынан талапкер болорун жарыялаган.
Жо Байден Американын 46-президенти болуп, 2021-жылы шайланган. Ал АКШ тарыхындагы эң улгайган мамлекет башчы. Азыр 80 жашта.
Дагы караңыз
"Бул биздин согуш эмес". Астана "Вагнерге" кошулган жарандарын соттойтПакистанда полиция борборундагы жарылуу 16 адамдын өмүрүн алдыПрезидент Жапаров Москвага иш сапары менен барып, парадга катышары кабарланды