“Улуу мурас” аталышындагы хрестоматиялык жыйнак жарык көрүп, 18-апрелде Алыкул Осмонов атындагы улуттук китепканада бет ачары өттү. Аталган жыйнакка буга чейин нотага түшпөгөн айтыш, жоктоо, терме, санат-насыят, казал жана көлөмдүү ашыктык, арман ырлары кирген. Чыгармалар нота, текст жана QR-коду менен басылып чыкты.
Хрестоматиялык китеп "Дастанчы" коомдук фондунун жетекчилиги астында эл аралык "Кристенсен" уюмунун демөөрчүлүгү менен жарык көргөн. Түзүүчүлөр - белгилүү дастанчылар Өмүрзак Кайыпов, Самат Көчөрбаев.
“Улуу мурас” китебинин бет ачар аземи. 18.04.2023-ж.
Алардын айтымында, этностилдеги дизайнда чыккан китеп Билим берүү министрлигинен, өлкөдөгү бир катар окуу жайлардан, окумуштуулар кеңешинин сынынан өтүп, расмий түрдө рецензия алган.
500 нускада басылып чыккан “Улуу мурас” эмгеги маданий-музыкалык окуу жайлар, музыкалык мектептер жана жалпы өнөрпоздор үчүн колдонмо болот. (MZh)
Дагы караңыз
Парламентте Ширшовдун аты аталган жаңы схемалар тууралуу айтылды Таластагы Кара-Буура району Айтматов болуп өзгөрдү Эркечтам бекети: ЖКда айдоочулардын тыгыны жөнүндө маселе көтөрүлдү Орусия: АКШ, Британия жана Канаданын элчилери ТИМге чакыртылды