Кремлдин басма сөз кызматы Орусиянын президенти Владимир Путин Украинанын Херсон жана Луганск облустарынын орус армиясы көзөмөлдөгөн райондоруна барып кеткенин билдирди. Маалыматка караганда, Путин аскердик штабдарда болду. Бирок ал качан барганы кабарланган жок. Көз карандысыз булактар сапарды бышыктаганы тууралуу жаңылыктар да жок.
Видео кадрларда Путиндин күндүз Ми-8 тик учагынан түшүп жатканын көрүүгө болот. Андан кийин президенттин кортежи Херсон облусунун орус армиясы көзөмөлдөгөн бөлүгүнүн борбору Геническ шаарына барганы кабарланды.
Ал жактагы штабда Путин Аба-аскер күчтөрүнүн командачысы генерал Михаил Теплинскийдин докладын укту.
Мунун алдында америкалык аскер эксперттери жана британ чалгынчылары Теплинский болжол менен январда кызматынан четтетилип, жакында майданга кайтып барганын билдирген.
Кремлдин ырастоосунда, президенттин сапары алдын ала даярдалган эмес.
Мартта Путин орус армиясы былтыр майда басып алып, согушта талкалаган Мариупол шаарына барып кеткен. Бул Орусия кошуна өлкөгө басып киргенден бери орус лидеринин Украинага алгачкы барганы эле.
Дагы караңыз
Судецтин күйөөсүнүн “Евразиялык сактык банкындагы” изиБаш прокурордун отчету: Кемпир-Абад иши, абактагы мигранттар жана Ширшов Окуучуларды митингге чыгарган чырдын чоо-жайыПутиндин бийлигин кескин сындаган Кара-Мурза 25 жылга соттолду