Улуттук коопсуздук боюнча мамлекеттик комитети (УКМК) Кызыл-Кыя шаарынын мэриясынын жана “Суу канал” ишканасынын кызмат адамдарынын абалынан кыянаттык менен пайдалануу фактысы аныкталганын кабарлады. Маалыматта алар шаардын суу түтүктөрүн жаңылоо долбоорун ишке ашырууда иштин көлөмүн ашыкча баалаганы белгиленген. Бул үчүн Европа реконструкциялоо жана өнүктүрүү банкы 2017-жылы (ЕРӨБ) 6 млн. евро бөлгөн.
Атайын кызматтын маалыматына караганда, учурда тиешелүү экспертизаларды дайындоо жана тергөө жүргүзүү менен келтирилген материалдык чыгымды так аныктоо иштери жүрүп жатат. Факты боюнча Кылмыш-жаза кодексинин 337-беренесинин 2-бөлүмүнө (Кызмат абалын кыянаттык менен пайдалануу) ылайык ылмыш иши козголду.
Кызыл-Кыянын мэриясы, айыпталган тарап комментарий бере элек.
УКМК апрелдин башында 13 кызматкер Суу фондунун жерин мыйзамсыз бөлүп берүүгө айыпталып жатканын билдирген. (КЕ)
Дагы караңыз
Орусияда журналист Аркадий Бабченко “чет элдик тыңчы” деп табылдыCPJ журналист Шахида Якубдун Өзбекстанга киргизилбегенин сындадыThe Bell: Мишустин аткаминерлердин өлкөдөн чыгуусуна тыюу салдыЭван Гершковичке "тыңчылык кылган" деген расмий айып тагылды