УКМК чет элдик жарандарга жасалма диплом сатууга шектүүнү кармаганын 29-мартта кабарлады.
"2017-2018-жылдары Жалал-Абад мамлекеттик университетинин медициналык факультетинин деканы болуп турган Ж.М.Б. аттуу аял Ирактын эки атуулуна 12 миң долларга Кыргыз мамлекеттик медициналык академиясынын дипломун жасап бергени аныкталды", - деп билдирет атайын кызматтын басма сөз кызматы.
Бул иш боюнча Жазык кодексинин "Кызмат абалын колдонуу менен алдамчылык кылуу" беренеси менен (209-берене) кылмыш иши ачылып, иликтөө уланууда.
ЖАМУнун администрациясы жана шектүү тарап комментарий бере элек.
Былтыр сентябрь айында Башкы прокуратура Жалал-Абад мамлекеттик университетинде 82 студент жасалма документ аркылуу диплом алганы аныкталганын билдирген.
Окуу жайды текшерүү маалында бюджеттик орундарды бөлүштүрүүдө мыйзам бузуу фактылары катталган. (BCh)
Дагы караңыз
Зеленский: Украина Бахмутту колдон чыгарбоого тийишӨзбекстандын Кыргызстанда курула турган машине заводу салыктан бошотулат"Уулдуу болгусу келген". Мүлк талаш көп аялдуулук маселесин козгоду Министр Амангелдиев: Кымбатчылыкка каршы чара көрүүдөбүз