Гаагадагы Эл аралык кылмыш соту Орусиянын президенти Владимир Путинди "Украинадагы кырдаалдын контекстинде" кармоого ордер чыгарды. Бул тууралуу маалымат соттун расмий сайтына жарыяланды. Ошондой эле Орусиянын балдар омбудсмени Мария Львова-Беловага дагы украиналык балдарды Орусиянын аймагына мажбурлап алып чыкканы үчүн кармоого ордер чыкты.
Гаага соту эки айыпталуучу тең аскердик кылмышка барып, элди күч менен депортациялап, башка жакка көчүргөн деп шек санайт. Путин “мындай ишти жасаган же ага жол берген жарандарды жана өзүнө баш ийген аскерлерди тийиштүү деңгээлде көзөмөлдөй алган эмес” деп айтылат билдирүүдө.
Айрыкча Украинанын Орусия оккупациялап алган аймактарынан балдар сыртка чыгарылганын эл аралык укук геноцидге теңейт.
Орусия 2016-жылдан бери Рим статутуна кошулбагандыктан Гаага сотунун юрисдикциясын тааныбайт.
Орусиянын тышкы иштер министрлигинин өкүлү Мария Захарова соттун чечиминин Москва тааныбай турганын билдирди. "Биздин өлкөдө Эл аралык кылмыш сотунун чечиминин, анын ичинде укуктук көз караштан алганда эч кандай таасири жок", - деп жазды Захарова социалдык сайттарга.
Украинанын президентинин кеңсесинин башчысы Андрей Ермак Телеграм-каналында Эл аралык соттун чечимине комментарий берип, "бул башталышы гана" деп жазды.
Дагы караңыз Рим статуту эмнеге керек?Дагы караңыз
Орусиянын беш облусундагы дрон чабуулу: Бутага мунай базалар алынды “Азаттыкка" каршы сот иштери токтотулдуАксы окуясы: "Ооруканага кирсем, ондой адам канжалап жатыптыр"Кемпир-Абад иши: абактагыларды бошотуу талабы жаңырдыТолукбек Байзак: Ырларымды жашап жаздым