Орусиялык армия шейшембиде эртең менен Краматорск шаарын аткылады. Журналисттер жеринен кабарлагандай, калаа борборунда бир нече турак жай зыян тартты. Жергиликтүү бийлик кеминде бир киши мерт болуп, дагы бир нечеси жарадар болгонун билдирди.
Кийинчерек шаардык кеңеш көп батирлүү 25 үй жана бир жер там, бала бакча, музей жана административдик имаратка зыян келтирилгенин кабарлады. Алдын ала маалыматтарда сокку С-300 ракетасынан урулганы айтылды. Уранды астында кишилер болушу мүмкүн, куткаруу иштери жүрүүдө.
Соккунун кесепети тартылган видеону украин президенти Владимир Зеленский Телеграм-каналына жарыялады.
Краматорск Донецк облусунда Киевдин көзөмөлүндө кала берген эң чоң шаар. Ал азыр айыгышкан кармаштардын чордонуна айланган Бахмуттан 20 километр алыс орун алган.
Дагы караңыз
Ысык-Көлдү өнүктүрүү фондунун мурдагы жетекчиси кармалдыТүркия: Кыргыз келиндин өлүмүнө айыпталган адам өмүр бою абакка кесилди Орусиялык футболчулар борбор азиялык ассоциациянын чемпионатына катышат