Кыргыз Республикасынын эл артисти, Токтогул Сатылганов атындагы мамлекеттик сыйлыктын лауреаты, кинорежиссер Марат Сарулу 9-мартта Бишкекте 66 жашында дүйнө салды.
Бул тууралуу Маданият, маалымат, спорт жана жаштар саясаты министрлигинин басма сөз кызматы кабарлады.
Марат Сарулу 1957-жылы Талас облусунда төрөлгөн. Жусуп Баласагын атындагы Кыргыз улуттук университетинин филология факультетин аяктап, кийин Москванын Киноакадемиясынан билим алган. Кыргызстандын Кинематографисттер союзунун, КМШ жана Балтика өлкөлөрүнүн кинематографисттер союздарынын мүчөсү болчу.
Анын А.Абдыкалыков жана А.Алишеров менен биргеликте жараткан “Бешкемпир” тасмасы Швейцариянын Локарно шаарында өткөн эл аралык фестивалда “Күмүш илбирс”, Казакстан Республикасынын Алматы шаарында өткөн Евразия кинофестивалында баш байге (1998) жана 18ден ашуун эл аралык сыйлыктарга ээ болгон. “Мария”, “Көч”, “Эне” жана башка көркөм, даректүү тасмалары көптөгөн эл аралык сыйлыктарды алган.
Маркумдун сөөгү 11-мартта Бишкектеги “Ала-Арча” көрүстөнүндө жерге берилет. (BTo)
Дагы караңыз
Украина: Орусиянын жапырт аткылоосунда жайкын тургундар каза болду Зиядин Жамалдинов парламентте айтылган дооматтарга жооп кайтарды Талибдердин Балхтагы губернатору жардырууда каза болдуСокулукта “Кадастрдын” кызматкерлери жер иштерине байланыштуу кармалдыУТРКнын башчысы болуп Болотбек Тиллебаев дайындалды8-марттагы жүрүштө кармалган кишинин иши сотко өттү