Бишкектин четиндеги Ак-Ордо конушунда төрт балалуу аялдын үйү түрттүрүлгөндөн кийинки абалды жөнгө салуу аракети көрүлүп жатат. "Азаттыктын" кабарчысы 3-мартта кечки саат алтыга жакын ал жерде абал курчуганын, үйү буздурулган келинди да, аны менен жер талашып, чырлашкан келинди да милиция топтолгон элдин арасынан чыгарып кеткенин билдирди.
Марал Шаболотова.
Ал жерде милициядан тышкары жергиликтүү бийлик жана каттоо мекемелеринин өкүлдөрү да чогулуп, нааразылыгын билдиргендерди тынчтандырууга аракетин көрүп жатышат.
1-март күнү Жогорку Соттун чечимине таянып сот аткаруучулар Марал Шаболотованын үйүн бузган. Ал жерди 2012-жылы ишеним каттын негизинде сатып алганын, соттун чечими мыйзамсыз экенин белгилөөдө. Ал эми 2018-жылдан бери аны менен жер талашып соттошуп келаткан коңшусу Толкун Самудинова жеринин "кызыл китеби" бар экенин, кошунасы анын жерине үй салып алганын айтууда.
Учурда Кыргызстан боюнча мыйзамсыз салынган 1 миңден ашык үйгө жер мунапысы боюнча кызыл китеби берилди. Дагы 85 миң адамдын арызы каралууда. (KS)
Дагы караңыз
Чет элдиктерге көл жээгинен мүлк берүү сунушу сынга кабылдыРузахунов: Казакстандагы экспертиза мага оор залака тийгенин аныктады Эгемендик туусу жоопкерчиликтүү турумубузду күтөтУкраинанын бардык аймагында аба соккулары тууралуу эскертилди