Канада Ирандын Революция сакчылары корпусунун жана күч түзүмдөрүнүн 12 жогорку аткаминерине санкция салды. Алар митингдерди басууда "адам укуктарын одоно бузгандыгы" үчүн айыпталууда.
Бул тууралуу Канаданын тышкы иштер министрлиги 27-февралда билдирди. Маалыматка караганда, бул ирет “кара тизмеге” Күрдстан провинциясынын өкүлдөрү камтылды.
Укук коргоочулар былтыр студент кыз Махса Амини абакта көз жумгандан кийин тутанган нааразылык акцияларында жалпысынан 500дөн ашуун киши набыт болгонун айтып келишет. Маркум баш кийим салынуу эрежесин бузган деп кармалган. Акцияларда миңдеген киши камалып, айрымдары катаал жазага өкүм кылынган. Кээ бирлери өлүм жазасына тартылды.
Канадалыктарга санкцияларга туш болгондор менен иш алып барууга тыюу салынат, алардын Канададагы банк эсептери камакка алынат, өлкө аймагына кире албайт.
Билдирүүдө расмий Оттава Иран режиминин өз элине кылган “коркунучтуу” мамилесине, “пропагандасына, эл аралык стабилдүүлүккө кооп жаратуусуна” каршы чара көрүүнү улантары айтылат.
Тегеран Батыш мамлекеттерин башаламандык уюштурууда деп айыптаган.
Дагы караңыз
Украинага Орусияны ракета менен атууга уруксат берилген жок"Кыргызстан, Армениянын Орусияга экспорту эки эсе өстү". Батыш санкцияны буйтаган жолдорду иликтейт"Жаштайынан базарда иштеген балдардын көбү оорукчан болуп калды" "Өкмөттөгү кимдир бирөөгө тоскоол болсом, Канадага кетүүгө даярмын". Бөлтүрүк президенттен кечирим сурады “Амазонду” жасалма интеллект жазган китептер каптады