Жогорку Кеңештин Эл аралык иштер, коргоо, коопсуздук жана миграция комитетинин төрагасы Улан Примов 8-февралда Казакстандын Кыргызстандагы элчиси Рапил Жошыбаев менен жолукту. Парламенттин басма сөз кызматынын билдиришинче, анда эки коңшу өлкөнүн өз ара алака-катышы талкууланды.
"Комитеттин төрагасы миграциялык жаңы эреже-талаптан улам Казакстандагы кыргыз жарандарынын укуктук абалын жакшыртуу маселесине айрыкча көңүл бурду. Кыргыз тарап анын терс кесепети болоруна камтамачылык билдирди. Мындан улам бул эрежерлерди жумшартуу жагын карап чыгууну өтүндү",-деп жазылган маалыматта.
Примовдун маалымдашынча Казакстанда 48 миңдей кыргыз жараны бар.
Казакстанда 27-январдан тартып миграциялык талап жана эреже катаалдады. Ага ылайык, Кыргызстандын, Орусиянын, Беларустун жарандары бул өлкөдө жарым жыл ичинде 90 күн гана жүрө алат. Буга чейин алар Казакстанда чек арадан чыгып-кирип, чектөөсүз жүрө алчу.
Расмий Астана жаңы эрежени мыйзамсыз миграцияга каршы чара катары түшүндүрүп жатат. Бул жагдай коңшу өлкөгө такай каттап оокат кылган кыргыз жарандарынын кооптонуусун күчөттү.
Дагы караңыз
ЖК: пенсия жөнүндө мыйзам долбоору тармактык комитетке кайтарылды Жамгырчиев Өзбекстандагы кылмыш иштин алкагында сурак бергенин айтты Жанар Акаев орус абактарынан согушка барган кыргызстандыктар маселесин көтөрдү Замирбек Базарбеков судьялар толук эркин эмес экенин айтты Орунбеков “ПолитКлиниканы" жалган маалымат таратууга айыптады Кыргыз-өзбек чек арасын демаркациялоо боюнча сүйлөшүүлөр башталат