Кыргызстандын Жогорку соту интернеттеги социалдык түйүндө мурдагы президент Сооронбай Жээнбековдун атын атап комментарий жазган адамга 100 миң сом айыппул салганын өкүмдү күчүндө калтырды.
Кыргызстандын аймактарынын биринин өкүлдөрүнө, анын ичинде Сооронбай Жээнбековго карата мазактаган мүнөздөгү комментарий 2020-жылдын апрель айында Instagram социалдык түйүнүнө жарыяланган. Улуттук илимдер академиясы жүргүзгөн филологиялык-политологиялык экспертизанын натыйжасында ал комментарийде “аймак аралык кастыкка алып келиши ыктымал болгон чакырыктардын белгилери бар” деген бүтүм чыккан.
Териштирүү учурунда айыпталуучу эч кандай максат көздөбөгөнүн, балким, эмоцияга алдырып жазып алганын айткан.
Ишти караган алгачкы соттук инстанция – Бишкек шаарынын Биринчи Май райондук соту аны айыптуу деп таап, айып салган.
Сооронбай Жээнбеков Кыргызстандын президенти кызматына алты жылдык мөөнөткө 2017-жылдын 15-октябрында шайланган, бирок туура үч жылдан соң парламенттик шайлоодон кийинки нааразылыктан кийин ордун бошоткон.
Дагы караңыз
Аксы: УКМК пара алууга шек санаган акушерди кесиптештери колдоп чыкты Каракалпакстан окуялары: Шамшетовдун өлүмүн парламенттик комиссия иликтейт"Британиядагы айыл чарба жумушу оңой эмес"Казакстан Arbat.media басылмасы орус сотуна жооп бербей турганын билдирди