Кыргызстанда сасык тумоологондор боюнча көрсөткүч соңку бир аптада 6,4% жогорулаганын 6-февралда “Азаттыкка” Ооруларды алдын алуу жана мамлекеттик санитардык-эпидемиологиялык көзөмөл департаментинен билдиришти.
Мекеменин маалыматына караганда, 30-январдан 6-февралга чейинки аралыкта сасык тумоо менен 6377 бейтап катталды, бул ага чейинки аптага салыштырганда 6,4% көп.
“Бардык мектептер кадимки тартипте иштеп жатат. Оору боюнча мониторинг күн сайын жүргүзүлүүдө”, - деп айтылат департамент тараткан маалыматта.
Быйылкы эпидемиологиялык сезондо сасык тумоонун А түрү катталууда.
Ал эми COVID-19 менен соңку бир аптада жети бейтап катталды, алардын бешөө ооруканага жаткырылды.
Күз-кыш убагындагы соңку сасык тумоо эпидемиясынын эң оор мезгили декабрдын ортосуна туш келген. Ага чейин ооругандар аптасына 9 миңдин тегерегинде болуп жатса, 16-декабрга карата бир күндүк көрсөткүч 9 миңден ашкан. (RK)
Дагы караңыз
Чоң-Алай: тоодо жоголгон тургундун сөөгү кар көчкү алдынан табылды ЖАМК: Кемпир-Абад боюнча камалгандар арасында чукул меджардамга муктаждар жок Репрессия: КГБ архиви ачпаган сырларГеннадий Базаров - киного арналган өмүр