Пакистандын төңкөрүш аркылуу бийликке келген мурдагы президенти Первез Мушарраф 79 жашында көз жумду. Пакистандын армиясы Мушарраф Дубайда узакка созулган оорудан улам каза болгонун жекшемби күнү билдирди.
Жергиликтүү медиа кабарлагандай, Мушаррафтын сөөгү Бириккен Араб Эмираттарынан Пакистанга атайын учак менен жеткирилет.
Былтыр жайында Мушарраф амилоидозго каршы Дубай ооруканасында дарыланып жатканы белгилүү болгон.
Первез Мушарраф 1999-жылы кан төгүүсүз ишке ашырылган төңкөрүштөн кийин бийликке келген. Бул төңкөрүш ошол кездеги премьер-министр Наваз Шарифтин кызматтан кетишине жол ачкан.
Мушарраф 2001-жылдан 2008-жылга чейин президенттик кызматты ээлеген. 2007-жылдын ноябрында баш мыйзамды токтотуп, өзгөчө башкаруу киргизген. Импичмент коркунучуна кабылганда 2008-жылдын жайында Конституцияны калыбына келтирген.
2013-жылы Мушаррафка "чыккынчылык кылды" деген айып тагылып, сот аны өлүм жазасына өкүм кылган. Бирок бир айга жетпей бул чечим жокко чыгарылган.
2016-жылы ага дарылануу үчүн Бириккен Араб Эмираттарына кетүүгө уруксат берилген. Мушарраф 2001-жылдын 11-сентябрында Нью-Йоркто болгон террордук чабуулдардан кийин АКШнын Ооганстандагы согушун Пакистандын оппозициясынын каршылыгына карабай колдоп чыккан.
Дагы караңыз
Украинанын армиясы Орусиянын жоготуусу 130 миңден ашканын маалымдадыКемпир-Абад иши: Аудиолорго жасалган лингвистикалык экспертизанын корутундусу чыктыЖурналист Ыдырыс Исаков милицияга суракка чакырылганын билдирди Бишкек Тажикстандын учактарына Кыргызстандын үстүнөн учуп өтүүгө уруксат бердиЖурналисттин өлүмүнө шектелген блогер Жолболдуева жарым-жартылай акталды