Ички иштер министрлигинин маалыматына караганда, 2022-жылы өлкөдө күч түзүмдөрү тарабынан 45 миң 96 кылмыш иши катталып, анын 42 миң 498и милиция кызматкерлеринин кароосуна берилген.
Бул тууралуу бүгүн, 3-февралда ИИМдин жыл жыйынтыгын чыгарган жалпы жыйынында айтылды. Ички иштер министринин орун басары Адылбек Бийбосунов катталган кылмыш иштеринин дээрлик 60% бети ачылганын айтты.
"2022-жылы калктын коопсуздугун камсыз кылуу, кылмыштуулук менен күрөшүү жаатында биз таасирдүү иш алып бардык. Милициянын ишин жакшырта алдык, коомдук тартип көзөмөлдө турду", - деди Бийбосунов.
Улуттук статистика комитети 2022-жылы Кыргызстанда уурулук, каракчылык жана тоноо күч алганын маалымдаган. Ички иштер министрлиги майда кылмыш көбөйүп, оор кылмыштар азайганын билдирген. Бирок акыркы айларда криминалдык чыр-чатактын же кол салуунун айынан адам өмүрү кыйылган учурлар катталды.
Белградда жайгашкан Numbeo сайты 2022-жылы дүйнөдөгү 142 өлкөдөгү криминалдык кырдаалдын деңгээлин аныктаган. Анын тизмесинде Кыргызстан кылмыштуулук күч алган 50 өлкөнүн ичине кирип, 36-орунду ээлеген. (BCh)
Дагы караңыз
Таласта Бекмолдо айыл өкмөтүнүн башчысы үй камагына чыгарылдыКазакстандын түштүгүндө суу ташкындан 200өй адам эвакуацияландыДепутат Транспорт министрлиги карызы боюнча 1-орундагы мекеме экенин айттыЫсык-Ата: Төрөт үйүндөгү эне өлүмүнөн улам төрт кызматкер иштен алындыТалас: Жемкорлукка шек саналган вице-мэр жана кеңеш төрагасы үй камагына чыкты