The Wall Street Journal басылмасы АКШ администрациясындагы аты аталбаган булактарына таянып, Ирандагы аскердик заводго кол салуунун артында Израил турат деп ырастады. Тел-Авив окуяга расмий комментарий берген жок.
Иран өкмөтү Исфахан шаарында дрондор чабуулуна кабылган завод бир аз зыян тартканын, эч ким жабыркабаганын билдирди. Бирок Jerusalem Post басылмасы объект Тегеран маалымдагандан алда канча көп зыян тартканын жазды.
Азырынча чабуулга эч ким жоопкерчилик ала элек. Буга чейин да бул өлкө Ирандагы өзөктүк программасын бутага алган соккуларды жасаганы айтылган, бирок расмий моюнга алган эмес.
29-январга караган түнү Ирандын аскердик стратегиялык обьектилерине дрондор менен чабуул жасалган.
Дагы караңыз
Кемпир-Абад иши: абакта ооруп жаткандарды ооруканага которуу талабы коюлдуОрусия Херсонго чабуулун уланттыНарын: Эл аралык мелдешке аттанган жаш хоккейчилер Нефтетрейдерлер: күйүүчү майдын арзандашы сезондук көрүнүш