Бишкек шаарында жаңы 20 автобус келди, бул тууралуу мэриянын басма сөз кызматы 11-январда маалымдады.
Автобустардын узундугу 10,5 метр, газ кыймылдаткычы менен иштейт, 75 адамды ташууга ылайыкташкан.
"Президент Садыр Жапаровдун буйругу менен автобустарды сатып алууга шаардык бюджеттен 2022-жылы 1 миллиард сом бөлүнгөн. Жакында дагы 100 автобус келери күтүлүүдө", - деп кабарлайт мекеме.
Шаардагы мектептерде расмий эсеп боюнча 137 424төн ашык окуучу бар. Алардын көбү жашаган жерлерден алыс жайгашкан мектептерге барат жана дайыма тыгында жүрүүгө аргасыз.
Бишкек мэриясынын автобус сатып алууларынан улам буга чейин бир нече кылмыш иши козголуп, мурдагы жетекчилер жоопко тартылган. (BCh)
Дагы караңыз
Masdar Кыргызстанда кайра калыбына келчү энергия долбоорлорун колдойтДонецкиде британиялык эки ыктыярчы жоголдуТИМ Ооганстандагы кыргыздар тууралуу маалыматты тактап жататТөө-Ашууга түшкөн кар көчкү тазаланды