Быйылкы жылдын 11 айында 2779 өрт кырсыгы каталып, анын кесепетинен 26 адам каза тапты.
Бул тууралуу өзгөчө кырдаалдар министринин орун басары Урматбек Шамырканов 26-декабрдагы маалымат жыйында билдирди. Анын айтымында, өрт өчүрүүчүлөр 31 кишинин өмүрү, 15,5 миллион сомго жакын материалдык баалуулуктарды сактап калды.
Тилсиз жоо алып келген чыгым 3 миллиард сомду түзгөн.
Министрдин орун басары быйыл өрт кырсыгы өткөн жылга салыштырмалуу 2,3% азайганын, өрттүн 66% турак жайларда катталганын билдирди. Ошондой эле жаңы жыл майрамдарынын алдында пиротехника, оттон этият болууга чакырды. Шамырканов учурда суу алуучу гидранттар 2ГИС системасына киргизилип жатканын кошумчалады.
Расмий маалыматтарга караганда, Кыргызстанда 2022-жылдын алты айында 823 өрт катталган. Кырсыктан 16 киши каза таап, материалдык чыгым 228 миң сомго жакын деп эсептелген. (КЕ)
Дагы караңыз
Ниязбеков: Кочкордогу окуя боюнча облустук милиция башчыларынын да жоопкерчилиги каралатТажикстан жана Казакстанда орус валютасы арзандады Маданият министрлиги "Азаттыктын" сайтын бөгөттөө мөөнөтү узарганын билдирдиДепутат Осмонов насыяларды өндүрүшкө жумшоону сунуштады