Латвияда аскер адамдарын ташып бараткан автобус менен жүк ташуучу автоунаа кагышып, украиналык 25 жоокер жана бир эстон жоокери ооруканага түштү. Бул тууралуу Reuters маалымат агенттиги эстониялык ERR телеканалына таянуу менен жазды.
Маалыматта айтылгандай, эстон армиясы жалдаган атайын автобус Таллиндден Ригага бараткан жана 26-ноябрда кырсыкка кабылган. Анда украиналык жоокерлер эмне үчүн Латвияга барышканы ачык айтылган эмес.
Күн сууктап, жолдорго муз тоңгондуктан кырсык жолдогу көптөгөн инциденттердин бири катары каралууда. Ошол эле маалда иликтөө иштери жүргүзүлүп жатат.
Орусия Украинага кол салган февраль айынан бери Украина өз аскерлерин ар кайсы өлкөлөрдө машыктырып жатканы белгилүү. Анын ичинде Балтика мамлекеттери да Киевге аскердик жактан жардам берип жатат. (ErN)
Дагы караңыз
Украина: Электр энергиясы көпчүлүк аймактарда калыбына келтирилдиЕБ “Россельхозбанкты” SWIFT системасына туташтырууну карап жататТемировдун өлкөдөн чыгарылышы: "Адилет" клиникасы мыйзам бузулду деп эсептейтCOVID-19: Кыргызстандын бардык аймактары жашыл зонада