Эл аралык уюмдар 23-ноябрда кыргызстандык иликтөөчү журналист Болот Темировду өлкөдөн чыгаруу тууралуу сот чечимине тынчсыздануу билдиришти.
Европа Биримдигинин Кыргызстандагы өкүлчүлүгү бул чечим сөз эркиндиги жана иликтөөчү журналисттердин жеке коопсуздугуна кепилдик берүү боюнча эл аралык милдеттенмелерге каршы келет деп эсептейт.
"Биз кыргыз бийлигин бул фундаменталдык эл аралык принциптерди толук сактоого чакырабыз", - деп айтылат өкүлчүлүктүн Твиттерге жарыялаган билдирүүсүндө.
1️⃣ We are deeply concerned by the verdict of the Bishkek City Court to expel prominent journalist Bolot Temirov and by his harsh immediate detention.
— EU in Kyrgyzstan (@EUinKyrgyzstan) November 23, 2022
АКШнын Кыргызстандагы элчилиги да Твиттерге ушундай билдирүү таратып, "Журналисттерге өч алуудан коркпой иштөөгө мүмкүнчүлүк берилиши керектигин, сөз эркиндиги Кыргызстандын Конституциясы менен корголгонун, бул укуктар сакталышы зарылдыгын" белгиледи.
Ушундай эле өңүттөгү билдирүүлөрдү Улуу Британиянын, Франциянын элчиликтери да таратышты.
The Bishkek City Court’s decision to deport journalist Bolot Temirov disregards democratic principles. Journalists should be allowed to work without fear of retaliation. Freedom of expression is protected under the Kyrgyz constitution – these rights must be upheld.
— U.S. Embassy Bishkek (@USEmbassyKG) November 23, 2022
Human Rights Watch уюмунун Чыгыш Европа, Кавказ, Балкан жана Борбор Азия боюнча директору Хью Уилямсон сот чечимин жокко чыгарууга чакырды. Ал Болот Темиров менен 22-ноябрда Бишкекте түшкөн сүрөтүн жарыялап, "Кыргызстандагы адам укуктарынын эң начар көрсөткүчү" деп жазды.
The court decision today in Bishkek to detain and deport Bolot #Temirov is deeply concerning & should be reversed. A new low for human rights in Kyrgyzstan @hrw Photo: my meeting with Bolot on 22 Nov in Bishkek @SyinatS pic.twitter.com/32tMwSbajP
— Hugh Williamson (@HughAWilliamson) November 23, 2022
"Чек арасыз кабарчылар" эл аралык уюму президент Садыр Жапаровго кайрылып, журналисттин укугун коргоого үндөдү. Аталган уюм RSF Awards 2022 сыйлыгына көрсөтүлгөн талапкерлердин арасында Болот Темировдун да ысымы бар.
🚨🇰🇬#Kirghizistan: Bolot Temirov @vahoel, nominé au Prix #RSF 2022, vient d%27être arrêté pour être expulsé en #Russie. RSF appelle le président @sadyrzhaparov, contre lequel le journaliste d%27investigation voulait porter plainte, à suspendre son expulsion & à rendre ses passeports. pic.twitter.com/jKPKLVnEYK
— RSF (@RSF_inter) November 23, 2022
Норвегиянын Хельсинки комитети Темиров Орусияга депортацияланышы мүмкүн деген маалыматка тынчсызданып, Орусияда журналисттердин коопсуздугу коркунучта экенин эске салды.
The Norwegian Helsinki Committee is concerned about reports today that #Kyrgyzstan authorities intend to deport Bolot Temirov, possibly to the Russian Federation. We assume Kyrgyz authorities are aware of the threats to life and health facing journalists in Russia. Photo: NHC pic.twitter.com/eHiTAszI8A
— Norwegian Helsinki Committee (@nhc_no) November 23, 2022
23-ноябрда Бишкек шаардык соту иликтөөчү журналист Болот Темировду өлкөдөн чыгаруу чечимин кабыл алды.
Соттун чечими дароо күчүнө кирип, журналистти укук коргоо кызматкерлери сот залынан күч менен кармап кетишти. Аны каякка алып кетишкени, кайсы өлкөгө чыгарылары белгисиз. Болот Темиров соттогу акыркы сөзүндө өкүмдү бийликтин өч алуу аракети катары баалап, ал Кыргызстандын жараны экенин, шаардык сот мыйзамсыз чечим чыгарганын айткан.
Кыргызстанда төрөлүп, Орусияда өскөн, кийин мекенине кайтып келген Болот Темиров Орусиянын жараны экени айтылып, "Кыргызстанда аскердик билетти жасалмалаган" деп айып коюлган. Темиров бул айыпты четке каккан. (SE)