Польшанын ракета түшкөн аймагында украиналык адистер иштеп жатат. Бул тууралуу 18-ноябрда Украинанын тышкы иштер министри Дмитрий Кулеба Твиттерге жазды.
Ukrainian experts are already working at the site of the tragedy in Przewodów caused by Russian missile terror against Ukraine. I am grateful to the Polish side for granting them access. We will continue our cooperation in an open and constructive manner, as closest friends do.
— Dmytro Kuleba (@DmytroKuleba) November 18, 2022
Ал 15-ноябрда болгон окуя боюнча Украина Польша менен "ачык жана конструктивдүү" кызматташууну улантарын кошумчалады.
НАТОго мүчө Польшанын бийлиги жана Батыш мамлекеттери баштапкы маалыматтарга таянып, эки кишинин өмүрүн алган жардырууга Украинанын абадан коргонуу системасы себеп болгонун белгилеп жатышат. Алардын пикиринде, орус күчтөрүнүн аба чабуулдарынын мизин кайтаруу максатында атылган ракета өз багытынан жаңылып, Польшанын аймагына түшкөн болушу мүмкүн.
Киев мындай жыйынтык менен макул эмес. Украин жетекчилиги окуядагы "Орусиянын издери" тууралуу далилдер бар экенин айтууда. АКШ президенти Жо Байден Киевдин версиясынан күмөн санап, "бул далил эмес" деп билдирген.
Ага чейин НАТОнун баш катчысы Йенс Столтенберг окуяга украиналык ракета себеп болушу мүмкүн экенин билдирип, жалпысынан мунун баары үчүн жоопкерчилик Украинада согушту улантып жаткан Орусиянын мойнунда экенин кошумчалаган.
Дагы караңыз
Пономаревдун Кыргызстандан депортацияланышы боюнча Хелсинки комитети БУУга арызданды Депутат Бакиров Ак үйдөгү кызматтык бөлмөсү алмашканын билдирдиКазак бийлиги жарандарына мыйзамсыз митингдерге чыкпоону эскерттиНобелдин лауреаты Эбади Ирандагы толкундоолорду "элдик революция" деп атадыАкылбек Жапаров суу стратегиясы боюнча улуттук долбоорду сынга алдыМосква Вашингтон менен жогорку деңгээлдеги сүйлөшүүлөргө даяр