Бишкекте гараж кооперативдеринин менчик укуктарын иретке келтирүү иши башталганын бүгүн 16-ноябрда мэриянын басма сөз кызматы билдирди. Мекеменин маалыматына караганда, 100-1500 машиналык орунга эсептелген жер тилкелерин ээлеп турган кооперативдердин ал жерге менчик укугу жок, алар муниципалдык жерди пайдаланып турганы үчүн ижара акысын төлөбөйт.
Кыргызстандын “Жер кодексине” ылайык жеке же мамлекеттик менчик катары расмий катталбаган жер тилкелеринин баары муниципалдык менчик болуп эсептелерин эскерткен мэрия кооператив ээлерин Бишкектин токтотмолор ишканасы менен жеке же жамааттык келишимин түзүүгө чакырып кайрылды.
Бишкектин чет жакасындагы гараждар Совет учурунда курулган. Быйыл жазында 11-кичи райондогу ири гаражды мэрия бузуп, жерди бошоткон. Гараж ээлери мэрия мыйзам бузуп жатканын айтып, нааразылыгын билдиришкен. Ал жерге эмне курулары азырынча расмий айтыла элек. (RK)
Дагы караңыз
Депутат Икрамов бийликти Конституцияны сактоого чакырдыЧек ара чырында жабыркагандардын маселеси парламентте көтөрүлдүПарламент кыргыз-өзбек чек арасына чекит койдуНарматованын сотунда сүрөт-видео тартууга тыюу салынды