Каракол шаардык милициясы ажырашкан күйөөсүнүн колунан каза тапкан келиндин өлүмүнүн чоо-жайын териштире баштаганын Ысык-Көл облустук милициясынын басма сөз кызматы билдирди. Мекеменин маалыматына караганда, окуя 9-ноябрда Караколдогу “Кумтөр” деп аталган соода борборунда болгон.
Каза болгон келин 30 жашта болгону, 35 жаштагы күйөөсү менен ажырашып кеткени, экөө сүйлөшүү үчүн жолукканы, ортодо уруш чыгып, күйөөсү аялын бычактаганы маалымдалды. Келин ошол жерден жан берген, өзүнө да кол салган эркек облустук ооруканага жеткирилген.
Айрым маалыматтарга караганда, жубайлардын ортосунда үч бала бар.
Кыргызстанда соңку кездери аялдарга жана балдарга карата жасалган зордук-зомбулук, үрөй учурган окуялар көп катталууда. Ички иштер министрлигинин эсебинде, 2021-жылы үй-бүлөлүк зомбулук боюнча 10 миңден ашуун факт катталган.
Дагы караңыз
Генерал Суровикин Херсондон кетүүнү сунуштап, Шойгу макул болду Орусия Херсонду колдон чыгарганын мойнуна алдыМекемелер лампаны Майлуу-Суу заводунан сатып алууга милдеттендирилетАКШ: орто мөөнөттүү шайлоонун жыйынтыгы чыгууда