Кыргызстандын Саламаттык сактоо министрлигинин маалымдашынча, быйылкы күз мезгилинде жалпы дүйнөдө COVID-19дун "ВА.4.6 Аэтерна" штаммы басымдуулук кылганы байкалууда.
Бул - АКШдагы ооруларды көзөмөлдөө жана алдын алуу борборлорунун маалыматтарын талдап чыккан америкалык эксперттердин бүтүмү.
Ага ылайык сентябрдын алгачкы жумасында коронавируска чалдыккандардын 2,3% "Аэтерна" штаммына кабылса, октябрдын ортосуна карай бул көрсөткүч 15% жеткен.
Эксперттер күз-кыш мезгилдеринде коронавирустун бир нече штаммдары козголушу ыктымалдыгын айтышууда.
Саламаттык сактоо министрлиги бүгүнкү күндө COVID-19ду, анын эң акыркы штаммдарын жугузуудан эмдөө гана коргой аларын эскертүүдө.
Расмий маалыматтар боюнча, 10-16-октябрь күндөрү Кыргызстанда 84 адам коронавирус жуктурган.
2022-жылдын башынан бери Кыргызстанда 21 586 адам коронавируска чалдыкты.
Кыргызстанда 2020-жылдын мартынан бери 21 412 адам COVID-19 вирусуна чалдыккан. Үч миңдей бейтап оорудан көз жумган. (ZKo)
Дагы караңыз
Орусиянын Ейск шаарында аскердик учак көп кабаттуу үйдүн жанына куладыИманкулов: Жапаров Путинге кыргыз-тажик чек ара маселесин чечүүдө ортомчу болууну сунуштадыКемпир-Абад: Айдарбеков комитет төрагалыгынан алынабы? Грузия орус жарандары үчүн "либералдуу виза режимин" өзгөртүшү ыктымалПолигондогу атышуу: тажикстандык мигрантка тагылган айып