Баткенде Тажикстандан аткезчилик жол менен ири суммада чет өлкөлүк валюта алып чыгууга шектелген төрт адам кармалганын 17-октябрда Улуттук коопсуздук боюнча мамлекеттик комитет (УКМК) билдирди. Мекеменин басма сөз кызматынын маалыматына караганда, окуя 15-октябрда Баткен районунун Кара-Бак айылында болгон.
Аткезчилик менен алектенип жүргөн адам катары таанымал жергиликтүү тургундун машинасынан Тажикстандан ташылып келаткан деген 2 млн 750 миң доллар табылган.
Кылмышка шектүү катары жалпысынан төрт адам кармалып, убактылуу кармоочу жайга киргизилди.
УКМКнын Баткен боюнча башкармалыгынын тергөө бөлүмү кылмыш ишин Кылмыш-жаза кодексинин “Экономикалык контрабанда” беренесинин негизинде козгоп, тергөө жүргүзүп жатат.
Дагы караңыз
Белгород: полигондогу атышууда каза тапкан тажик мигрантынын тек-жайы аныкталды "Бакиевге парламент депутаттары катуу кызмат кылган"ЮНИСЕФ: согуштун айынан жакырчылыкта жашаган балдар көбөйдүАстана бийлиги Назарбаев ачкан мечитти эстеликтер тизмесине киргизүүнү көздөйт