Беларустун Коргоо министрлиги билдиргендей, өлкөгө «биргелешкен аймактык топтун» курамына кирген тогуз миңдей орусиялык аскер жайгаштырылат.
«Беларуска «аймактык топко» кирген орусиялык аскерлер келе баштады»-деп жазды Коргоо министрлигинин өкүлү Валерий Ревенко «Твиттерге».
Беларустун башында турган Александр Лукашенко Орусиянын президенти Владимир Путин менен “биргелешкен аймактык аскерлер тобун чек арада жыйноону” макулдашканын 10-октябрда жарыялаган.
Анын айтымында, аскердик колду жыйноо боюнча келишим КМШнын Санкт-Петербургда өткөн формалдуу эмес саммитинде кабыл алынган.
Лукашенко бул топтун негизин беларус армиясы түзөрүн билдирген.
24-февралда Орусия Украинага согуш ачканда, аскерлер Беларус тараптан да киришкени маалым болгон.
Дагы караңыз
Тегеран Ирандагы толкундоолорго байланыштуу Байденди сындадыОрусия Украинанын шаарларына сокку урууну улантуудаӨКМ: Баткенде 4 миңдей жаран жашаган жерине кайта элек