Таиландда 6-октябрда бала бакчага куралдуу кол салуудан бери дегенде 34 киши каза тапты, алардын арасында 22си бала. “Тайрат” гезити жазгандай, шектүү адам жергиликтүү полициянын мурдагы кызматкери болгон.
Шектүү ок атуучу курал жана бычак менен имаратка балдар уктап аткан маалда кирип барган. Ал аялын, үч баласын өлтүрүп кийин өз жанын кыйган.
Кылмыштын себеби белгисиз. Маалыматка ылайык, шектүү наркозаттарга байланыштуу полициядан иштен кеткен.
2020-жылы февралда Таиланд армиясынын жоокери команирин жана чогуу кызмат өтөгөн эки аскерди атып, соода борборуна барып, ал жерде дагы 26 кишини өлтүргөн. Аны полиция кармоо учурунда атып салган.
Дагы караңыз
“Аманат” партиясы президенттикке талапкер кылып Токаевди көргөздүHRW Иран бийлигинин тынч акцияларга каршы ашыкча күч колдонгонун айыптадыОрус аскерлери Запорожье шаарына жети жолу сокку урду