Бишкектин Биринчи Май райондук соту Next TV телеканалынын директору Таалайбек Дүйшөмбиевди күнөөлүү деп таап, үч жылдык пробациялык жаза мөөнөтүн чегерген чечим чыгарды. Өкүм бүгүн 21-сентябрдагы отурумда угузулуп, Дүйшөмбиев сот залынан бошотулду.
“Улут аралык кастыкты козутуу болгон эмес. Айыптоочу коюп жаткан айыбын сотто далилдей алган жок. Далил жети ай мурун жок болсо, азыр да жок. Айыптоочу кайсы улуттун ортосуна кастык козутулганын так айта алган жок”, - деди Дүйшөмбиев “Азаттык” радиосуна.
5-сентябрдагы соттук жараянда мамлекеттик айыптоочу аны жети жылга эркинен ажыратууну сураган жана күнөөсү далилденгенин билдирген.
Дүйшөмбиевдин адвокаттары өкүмгө макул эместигин билдирип, сөзсүз апелляциялык арыз берилерин айтышты.
Улуттук коопсуздук боюнча мамлекеттик комитет (УКМК) быйыл 3-мартта Next TV телеканалына каршы "Улут аралык кастыкты козутуу" деген айып менен иш козгоп, директорун камакка алган, телеканалдын эфири үзгүлтүккө учураган. Тергөөнүн пикиринде, телеканал Кыргызстан Орусияга Украина боюнча жардам бере турганы жөнүндө такталбаган маалымат жарыялаган.
Президенттин басма сөз катчысы Эрбол Султанбаев маалымат таратууда этияттыкты сактоо жана стандарттарды кармануу керектигин билдирген.
Дүйшөмбиев УКМКнын тергөө абагында кармалып келди. (TSh/RK)
Дагы караңыз
Баткен: үй-жайы күйгөн Зайна эненин ыйы менен муңуДепутат Акаев Эл аралык кылмыш сотунун келишимин ратификациялоону тездетүүгө чакырды Орусиядан учуп келген жаран экстремизмге шек саналып кармалдыБаткенге былтыр чогултулган акча боюнча маселе көтөрүлдү