Европа Биримдигинин Орусиядагы элчиси Маркус Эдерер 2022-жылдын 1-сентябрынан тартып кызматтан кетти.
Бул тууралуу ал 2-сентябрда RTVI телеканалына курган маегинде билдирди. Эдерер кызматтан кеткен себебин ачык айткан эмес. "Мен кызматымды көңүлүм тынч абалда таштап кетип жатам. Колумдан келгенди жасадым деп ойлойм", - деген ал.
Маркус Эдерер Европа Биримдигинин Орусиядагы элчиси болуп дээрлик беш жыл иштеди. Өз ишин жыйынтыктап жатып ал студенттерди алмашуу жана климаттын өзгөрүүсү боюнча Орусияны коомчулукка кошуу аракеттерин белгиледи. "Майда-барат ийгиликтерди" кыйытып айтып, бирок коркунуч туудуруп албоо максатында аларга кеңири токтолбоду.
Эдерер Орусиядагы жарандык коомго Европанын колдоосу керектигин белгиледи.
Евробиримдиктин Орусиядагы элчиси Эдерердин ордуна ким келери азырынча белгисиз.
Дагы караңыз
Өкмөт көмүрдүн баасы катуу көзөмөлдөнө турганын билдирдиРоза Отунбаева БУУнун Ооганстандагы миссиясын жетектейтПрезидент ЖК регламенти тууралуу мыйзам долбоорун кайра кайтарды Президенттик аппарат ЖК регламенти мыйзамы жөнүндө түшүндүрмө тараттыЖапаров Ташиевге Эл баатыры наамы берилген себебин түшүндүрдү