Кыргызстандын Орусиядагы элчилиги Ульяновск облусунда жол кырсыгына кабылып ооруканага түшкөн үч адам кыргыз жарандары экени такталганын билдирди. “Азаттык” байланышкан элчиликтин кызматкери алардын абалын азыр так айта албасын, бирок канааттандырарлык деген маалымат бар экенин айтты.
21-августта Ульяновскидеги ири жол кырсыгында 16 адам каза болгон, алардын 14 кыргыз жарандары. Мерт болгондордун жакындары үчүн элчиликтин (+7 926 861 50 98, +996 551 312-000) атайын телефондору иштеп жатат.
Президент Садыр Жапаров тиешелүү министрлик-мекемелерге каргашада каза тапкандардын сөөгүн мекенине алып келүү үчүн атайын борт уюштурууну тапшырды.
Бул тууралуу президенттин басма сөз катчысы Эрбол Султанбаев маалымдады. Анын билдирүүсүндө, президент каза болгондордун жакындарына жана туугандарына терең кайгыруу менен көңүл айтканы жазылат.
Соңку учурда Орусиядагы мигранттарга каттоо талабынын күчөгөнүнө, кыргыз элчилигинин ишине байланыштуу сын-доомат көп айтылып жаткан.
Дагы караңыз Орусиядагы жол кырсыгы: 23-август - аза күнү деп жарыяландыДагы караңыз
Президент Орусияда жол кырсыгынан каза болгондордун сөөгүн алып келүүнү тапшырдыОрусиядагы жол кырсыгы: 23-август - аза күнү деп жарыяланды Акыйкатчы институту четте өкүлчүлүгүн ачуу демилгесин көтөрдү