Бишкекте коомдук транспортто телефон уурдаган деп шектелип 33 жаштагы шектүү кармалды. Бул тууралуу Ленин райондук ички иштер бөлүмү кабарлады.
Милициянын кабарлашынча, 8-августта Бишкектеги маршруттук таксилердин биринен 13 миң сомдук телефонун уурдатканын айткан жаран арыз жазган. Факт боюнча Кылмыш жаза кодексинин 205-беренеси (“Уурулук”) менен иш козголуп, шектүү кармалган.
Ленин райондук сотунун чечими менен 15-августта шектүү №1 тергөө абагына бир айга камалды. Учурда анын башка дагы уурулук кылмыштарга катышы бар-жогу иликтенип жатат.
Улуттук статистика комитетинин маалыматында, өлкөдө 2022-жылдын алты айында мурунку жылдын ушул мезгилине салыштырмалуу уурулук 1,4%, карактоо 15%, тоноо 5% көбөйгөн. Милиция коомдук транспортто уурулук көп болорун эскертип келет. (TSh)
Дагы караңыз
ӨКМ көчкү коркунучу бар 44 жерде кырсыктардын алдын алуу иштерин жүргүзөтЕвропа орусиялыктардын көпчүлүгүнө качкын макамын берүүдөн баш тарткан ИИМ: фейк аккаунттар менен экстремисттик материал тараткан киши кармалды Элчиликтин өкүлү Хорватияда кармалган кыргызстандыктар менен жолуктуАлымкадыр Бейшеналиев "Алтын балалыкка” жетекчи болуп дайындалды