Улуттук коопсуздук боюнча мамлекеттик комитет (УКМК) өлкөгө аткезчилик жолу менен дары-дармек ташып келген жаран кармалганын кабарлады.
Атайын кызмат тараткан маалыматка караганда, Кыргызстандын К.К. аттуу жараны транспорттук кароодон өткөрүү линиясында “тиричилик буюмдары” үчүн CMR документтерин көрсөткөн. Ал башкарган “Вольво” үлгүсүндөгү жүк ташуучу автоунааны текшерүү учурунда эски буюмдардын артына катылган дары-дармектер табылган.
УКМК учурда тиешелүү тергөө иштери жүрүп жатканын билдирди.
Саламаттык сактоо министрлигинин маалыматына караганда, Кыргызстанга дары ташыган компаниялардын саны 200дөн ашат. Ал эми дарыканалардын саны 3200дөн ашуун. Алардын көпчүлүгү Бишкек шаарында жайгашкан.
Былтыр күзүндө УКМК төрагасы Камчыбек Ташиев фармацевтикадагы мафияга мамлекеттик кызматта иштегендер дагы аралашып кеткенин айткан. (КЕ)
Дагы караңыз
УКМК чек ара бекеттериндеги тыгындын себебин түшүндүрдүBloomberg: Гаага соту Орусияга каршы алгачкы иштерди кышында карайтЧолпон-Атада Жапаров, Токаев жана Мирзиёевдин бейформал жолугушуусу өттүСаммитке байланыштуу Тамчы-Чолпон-Ата жолуна убактылуу чектөө киргизилет